غصون فى مهب الريح بقلم عبير سليم

فات الأوان
تفتح عيونها و هي مستغربه أوي من الحلم ده مش عارفه مين الشخص اللي كان معاها في الحلم مش فاهمه هيا ليه كانت حزينه مش عارفه ليه قالتله فات الأوان 
حاولت تنام تاني و لما صحت الصبح حكت لمامتها الحلم
هبه خير يا قلبي مفيش حاجه 
غصون أنا عاوزاكي تركزي في المذاكره الامتحان عالأبواب 
غصون عاوزاكي تطمني عالاخر كله تحت السيطره 
هبه ماشي يا واثقه 
تبوسها غصون و تنزل 
هبه غصون اوعي ياغصون تاكلي حاجه حلوة الله يخليكي
غصون حاضر يا مامتي
تروح درسها لكن طول الدرس و هي بتفكر في الحلم اللي حلمته 

نفسها تعرف تفسيره ايه لكنها في النهايه قررت انها متفكرش فيه و تنتبه لمذاكرتها
....................
متشكرة أوي لحضرتك يادكتور
دكتور يوسف ماهو مينفعش القمر بتاع الدفعه تطلعلي وتطلب مني الغي حاجه وملغيش
وعد ربنا يخليك لينا يارب يا احلى دكتور يوسف في الدنيا 
دكتور يوسف ماشي يا بكاشه
وعد لا والله انا مش بكاشه ده حضرتك أحلى وأصغر و اشيك دكتور في الجامعه كلها دي الدفعه كلها مبتتكلمش غير على حضرتك ربنا يخليك للغلابه يارب
دكتور يوسف هههههههه خلاص انتي حتشحتي امال فين نصك التاني
وعد ضياء
دكتور يوسف أيوة هو فين ده مبيسبكيش لحظه
وعد هو مجاش النهارده الجامعه عنده دور برد شديد ومقدرش ينزل وهو اللي اكد علية اطلع لحضرتك عشان اعرف الملغي وابلغه
يوسف ماشي ياستي بلغيه عشان يادوب كده تلحقوا تذاكروا الامتحانات خلاص 
وعد بنذاكر والله يادكتور
بس والله يا دكتور حضرتك حتوحشنا والجامعه كلها حتوحشنا
يوسف وانتوا كمان حتوحشوني أوي يا وعد
يطرق الباب ويدخل ويلقي التحيه
_ازيك يا قطه
وعد الحمد لله يادكتور
بعد اذنك يا دكتور يوسف و متشكرة اوي لحضرتك 
يوسف مفيش شكر ولا حاجه وبكرة أن شاءالله في المحاضرة حبلغ الدفعه كلها عاوز الدفعه كلها تجيب امتياز
وعد ان
شاء الله يا دكتور عن إذن حضرتك 
تخرج وعد بينما يتحدث إليه زميله هيا ايه حكايتها البنت دي معاك
يوسف انت بتقول إيه يا محيي 
محيي بقول ايه اللي واخد عقلك بقول ايه حكاية المزة دي معاك على طول عندك
يوسف قصدك وعد
محيي آه وعد اوعدنا يارب بمزة قمر كده
يوسف ربنا يهديك يا محيي وعد مبتطلعش هنا غير لما يكون في حاجه واصلا مبتطلعش لوحدها ياما بيكون معاها خطيبها او واحده من صاحباتها
محيي طب مالك في إيه أنا بتكلم عادي على فكرة بس بصراحه هي جامده أوي
يوسف ايه الكلام ده يا محيي عيب دي زي بنتنا
محيي بنتي انا اه لكن بنتك انت ازاي يعني
يوسف ليه يا محيي هو انا لو كنت خلفت مكنتش حجيب ادها يعني 
واللا انت نسيت إني متجوز من وانا في الجامعه
محيي فاكر طبعا ودي حاجه تتنسى بس هو انت مبقتش تدور في الموضوع ده
يوسف لا يا محيي انا خلاص تعبت ونفسيتي تعبت من الكلام في الموضوع ده
محيي طب ونهال
يوسف نيهال طالبه الطلاق يا محيي
محيي إيه معقوله دي 
يوسف عاوزة تبقى ام و ده حقها
محيي بس دي روحها فيك
يوسف احساس الامومه اللي نفسها تعيشه اهم عندها من أي شىء في الدنيا
محيي طب ما تتبنوا طفل
يوسف عرضت عليها مش موافقه عاوزه هي تخلف طفل
محيي وانت حتعمل ايه
يوسف حعمللها اللي يريحها يامحيي انا تعبت خلاص ومبقتش قادر استحمل اكتر من كده بقالنا اكتر من سنه عايشين في عڈاب طول الوقت مبتتكلمش غير في الموضوع ده وانا تعبت خلاص وجبت اخري لدرجة ان علاقتي بكل اللي حوالية اتأثرت حتى علاقتي بتلاميذي انت على يدك ماخدتش دكتور مروحتلوش وسافرت ولفيت الدنيا ومفيش فايده ربنا مش رايد أعمل إيه أنا مفيش في ايدي حاجه تانيه اعملها 
كل الدكاتره قالولي ان مفيش اي سبب طبي لحالتي و محدش عرف ايه اللي مش مخليني مش قادر أخلف 
محيي سبحان الله وفوق كل ذي علم عليم ربنا يكتبلك الخير يا يوسف يارب
يوسف يارب يا محيي
ياترى ايه تفسير الحلم اللي حلمته غصون ومين اللي كان معاها في الحلم 
وياترى موضوع وعد وأمير و ضياء حيوصل لفين
وياترى بدأتوا تعرفوا ايه حيكون علاقة يوسف بالموضوع و اللا لسه الصورة مش واضحه
طب هل يا ترى غصون ممكن تبقى حلقه فالدايره دي و اللا هيا بعيده عنهم 
ياربي انا الدنيا بتلف بية حسه اني تهت حسيبكم بقى و منتظره توقعاتكم تصبحوا على خير