احببتك لانك حلالى
وجدته مستيقظ
حورية :السلام عليكم .. صباح الخير يابودى
عبدالرحمن : عليكم السلام يا حبيبتى .. صباح الورد
حورية :عامل اى ف شغلك ياعم الكبير انت
عبدالرحمن : الحمد لله ماشي الحال اهو ماشيين
حورية : ربنا يعينك يا حبيبى ويرزقك ببنت الحلال .. خلينا نخلص منك بقا يا كبير
عبدالرحمن : يلا يا بت انتى من هنا غوري هو شريف امبارح وانتى النهاردة
حورية :ههههههههه عاوزين نفرح ونهيص كده يابودى
عبدالرحمن بنصف عين : لا وانتى هتهيصي وتفرحى اوووى
حورية : ما انت عارف انى مش بحب جو الافراح والاختلاط ده بس مش معنى كدا انى مش هفرح لك بالعكس الفرحة ف القلب لما نشوفك مبسوط مفيش داعى بقا للهيصة والهبل اللى بيحصل ده انا مش بحب كدا فرحتى انا برضا ربي
عبدالرحمن : يعنى انتى لما يجي نصيبك هتقولى كدا
حورية :ربنا سبحانه وتعالى شايل لكل واحد مننا حد شبهه حد يقدره ويفهمه حد يحتويه حد يصونه ويحبه ويعوض صبره حد يكون عوض ربنا الجميل لنا لما عفينا قلوبنا وانتظرنا الحلال
عبالرحمن : ربنا يسعدك والله امه هتكون دعياله اللى هياخدك يا بنتى انتى مفيش زيك .. تعرفى انتى لو مش اختى كنت اتجوزتك والله لانى مش هلاقى زيك
حورية : ههههههههههه اى الكلام الحلو اللى ع الصبح ده انت بتثبتنى لى يا عم انت عاوز اى
عبدالرحمن : تصدقى انا غلطان انتى بمدح فيكي امشي يا بت انا اساسا كنت بضحك عليكي انتى هبلة وصدقتى انا مش ليا فيه
حورية بتصديق : ماشي يلا عشان الصلاة ونهضت من مكانها لترحل لصلاة الفجر
عبدالرحمن وهويحتضنها : انتى بتصدقى اى حاجة ع فكرة طيبتك دى مصېبة والله يا بنتى والله كنت بهزر انا قاصد كل كلمة قولتها بجد انتى مفيش منك ربنا يحميكي يارب
حورية بدموع : لا والله فيه زى واحسن منى كمان بس انت اصبر وربنا هيبعتهالك كدا ف طريقك
عبدالرحمن : انتى بتعيطى لى بس والله مش اقصد ازعلك يا بت
حورية : مش زعلانة منك والله انا عارفة
عبدالرحمن : طيب اى اللى مزعلك بقا
حورية :بعدين بقا يلا عشان نلحق الصلاة صحى بابا عشان ينزل يصلي معاك
عبدالرحمن : ماشي بس هعرف مالك
حورية : ماشي بعدين
استيقظ الجميع لتأدية صلاة الفجر ذهب كل من عبدالرحمن وأحمد الى المسجد
ف المسجد :
وصل الرجال الى المسجد تقابلوا معا امام المسجد بعد السلامات والتحية والضحك من الشباب فهم جيران منذ زمن وجدوا العامل يقوم بالتنظيف وتزين المكان وتعطيره ساعده الشباب
مالكوشريفوعبدالرحمن
تحدث احمد قائلا :اى يا عم سليم هو فيه مسابقة النهاردة ولا اى
عم سليم العامل: لا يا استاذ احمد ده كتب كتاب بنت يتيمة النهاردة والدتها ست كبيرة وعلى قد حالهم حبينا نحسسها انها مش قليلة ولا لوحدها
محمد :ربنا يجازيك كل خير ياراجل يا طيب والله انت وكل اللى معاك
عم سليم :ربنا يبارك فيك يا استاذ محمد
مالك :بس لي ياعم سليم مش قولت لنا كنا قدمنا اللى نقدر عليه انا والله اول مرة اسمع كدا
عم سليم : والله يا ابنى انا عرفت بالصدفة وكنت هكلمك النهاردة لان البنت مش ليها وكيل والدتها كانت حابة تكون انت زى اخوها وتسلمها لعريسها
مالك : قصدك اكون وكيلهايعنى ف كتب الكتاب
عم سليم : ايوة يا ابنى
مالك : بس كدا حاضر من عيونى ربنا يتمم على خير .. طيب مش فيه اى حاجة ناقصة ممكن نساعدها بيها
عم سليم : والله يا ابنى ما اعرف هما ناس عفيفة جداااا
مالك : خلاص ماشي انا هتصرف
عبدالرحمن : طيب يلا يا مالك قوم اذن
مالك :لاطبعا انت بتقول اى ياعم انت اتفضل انت يا عمى او انت يا بابا
احمد :يا ابنى انت ماشاء الله عليك صوتك جميل يحبب الواحد ف الصلاة يلا بس
عبدالرحمن :يلا يا عم مالك خلينا نصلي
شريف : خلاص يا مالك بقا يلا
مالك : ماشي أمرى الى الله
ثم ذهب بإتجاه المئذنة وأذن لصلاة الفجر وكان صوته حقا يبعث الراحة ف النفوس
ثم أقام بهم وصلوا الفجر ثم اجتمعوا معا ليخططوا لكتب الكتاب ثم انصرفوا جميعا الى منازلهم ..
وصل الجميع الى منازلهم بفرحة ظلوا يحضروا استعدادا لليوم
ف منزل حورية :
جلس الجميع حول المنضدة لتناول طعام الافطار
حورية : صحيح يا بابا مين اللى اذن النهاردة وكان بيقرأ قرءان ف الصلاة
احمد : ده يا بنتى مالك ابن استاذ محمد جارنا ف الشارع اللى ورانا
عفاف :بس بسم الله ما شاء الله صوته جميل
عبدالرحمن : مالك يكون اخو شريف صحبي هو اكبر مننا بسنتين بس بسم الله ما شاء الله عليه خاتم القرءان وصوته جميل جدااا زى ما سمعتم شاب على خلق بصراحة
احمد : زاد ف نظري بعد موقف البنت اليتيمة دى
حورية : موقف اى ده
عبدالرحمن : هيكون وكيل بنت يتيمة النهاردة ف كتب كتابها
حورية : اوعى يكون قصدك هنا
عبدالرحمن : مش عرفنا اسمها والله .. بس ثانية انتى تعرفيها منين
حورية : لا افهم كدا اى اللى حصل واقول هى ولا لا
قص عبدالرحمن على مسامعهم ما حدث منذ وصولهم للمسجد حتى انتهاءهم
حورية باعجاب : ماشاء الله عليكم يا بودى بجد انا فخورة انك اخويا .. واستاذ مالك ده ربنا يجازيه كل خير
عبدالرحمن : يعنى هى دى صحبتك
حورية : ايوة هنا اتعرفت عليها ف مرة ف المسجد كان فيه حلقة ذكر هناك وكانت موجودة وعزمتنى على كتب كتابها النهاردة وشوية وكنت هروح لها انا وفاطمة
فاطمة : ايوة بقا وعندنا فرح
حورية : بس يا هبلة مفيش هبل من اللى انتى عوزاه ده اشهار ف المسجد
عبدالرحمن وقد خطرت بباله فكرة : اى رأيك يا بابا لو اكلم مالك اقوله ان البنت معرفة حورية وتساعدنا ف اللى مالك عاوز يعمله
احمد :والله يا بنتى فكرة جميلة على خيرة الله كلمه
عفاف :فكر ة اى دى ما تفهمونا معاكم
عبدالرحمن : ثانية بس يا ماما اكلم مالك
ثم قام بالاتصال على مالك ليقص عليه ما حدث وعندما اخبره تهللت اساريره فقد اعطاه الله فرصة لمساعدة هذه البنت
مالك : الحمد لله جميل جداا فرصة مش هتتعوض وبما انها جارتنا هنا انا هبعت لكم يمنى اختى تقابل اخواتك البنات ويساعدوها
عبدالرحمن : خلاص اتفقنا ان شاء الله خليهم يتقابلوا قدام المسجد عشان هو قريب من بيتها
مالك : ان شاء الله .. ممكن بقا تفتح الاسبيكر هقول للانسة اختك على حاجة
عبدالرحمن : حاضر .. ثم قام بتشغيل المكبر .. معاك يا مالك
مالك : السلام عليكم جميعا ورحمة الله وبركاته
عفاف : وعليكم السلام
