احببتك لانك حلالى

يا بنى ورحمة الله .. ربنا يحفظك ويجازيك كل خير .. على فكرة ماشاء الله صوتك جميل يا بنى يريح الاعصاب 

فاطمة : خلاص يا ماما مش حفلة هى خلينا نخلص عشان نلحق البنت اكيد محتجانا 

مالك : شكرا ليكي يا امى .. ربنا يبارك ف عمرك يارب 

احمد : ربنا يحفظك يا حبيبى المهم ف نيتك اى 

مالك : والله يا عمى انا عاوز اعرف اى حاجة نقصاها وانا بإذن الرحمن هوفرها ليها مش عاوزينها تحس انها وحيدة ده حق الجيرة علينا وف نفس الوقت مش عاوزها تحس اننا بنتصدق عليها ده كفيل انه يكسر فرحتها كنت حابب اعرف اللى ناقص بطريقة غير مباشرة 

احمد هو ينظر الى حورية يسألها فأومأت رأسها بالايجاب مع ابتسامة بسيطة على موقف تلك الشاب النبيل واخلاقه الرفيعة 

احمد : خلاص يا بنى حورية ان شاء الله هتعرف كل حاجة وتبلغنا ان شاء الله 

مالك بغباء : حورية مين مش اسمها هنا 

عبدالرحمن بضحك : ههههههههههه هنا دى العروسة يا مالك حورية دى اختى 

مالك باحراج : احممم انا اسف والله مش اقصد 

ليلي بابتسامة : ولايهمك يا بنى حصل خير 

مالك : طيب انا هقوم دلوقتى اعرف يمنى تستعد عشان تقابل البنات 

عبدالرحمن : حورية قدامك قد اى كدا 

حورية : ان شاء الله ربع ساعة بالكتير 

عبدالرحمن : خلاص يا مالك ان شاء الله ربع ساعة البنات تجهز وهكلمك وهما نازلين نتقابل عند المسجد 

فاطمة بصوت منخفض : على فكرة يمنى عارفة كدا قوله انها اساسا كانت جاية معانا 

عبدالرحمن : على فكرة يا مالك احنا اخر من يعلم اختك صاحبة اختى الصغيرة وكانت راحة معاهم يا عم 

مالك : جزاهم الله كل خير .. على موعدنا بقا .. السلام عليكم 

عبدالرحمن : وعليكم السلام ورحمة الله وبركاته 

اغلق الهاتف مع مالك ثم نظر الى اخوته قائلا يلا يا بنات عشان الوقت

ذهبت البنات ليستعدوا للذهاب الى هنا .. 

ف منزل مالك :

طرق مالك باب غرفة شقيته فسمحت له بالدخول 

مالك :السلام عليكم يا يويو 

يمنى :وعليكم السلام يا ابيه اتفضل 

مالك : ابيه اى بس يا حبيبتى انا اخوكى الكبير ايوة بس مش كبير اوووى يعنى 

يمنى : كبير سنا ومقاما يا ابيه 

مالك : انتى شيفانى عجوز ولا اى يا بت انتى 

يمنى :هههههههههه لا يا حبيبى الشباب شباب القلب 

مالك : قلب اى وبتاع اى يا بت انتى خدى هنا 

ثم انطلق يجري خلفها وهى تجري امامه وسط ضحكاتهم التى أتى على أثرها شريف الذي صدم مما يري 

مالك وهو يمسك بها محتضنا اياها :عشان تعرفى انى شباب يا اختى قال ابيه قال 

يمنى بضحك هستيري :خلاص خلاص سماح والله يا عم انت خلاص 

مالك پصدمة : عم .. انتى بتجيبى الكلام ده منين يا مفعوصة 

يمنى : مفعوصة اى يا ملوكى بس دا انا 18 سنة 

مالك : ملوكى! امشي يا بنتى الله يهديكي 

يمنى : انت اللى ف اوضتى على فكرة والله 

مالك : اه صح نستيني كنت جايلك ليه يا ب....

قطع حديثه شريف وعلى وجهه علامات الصدمة : ما انت لازم تنسي بالملاهى اللى كانت هنا دى 

يمنى بخضة :اعااااااااااا حرامى 

شريف وهو يجري عليها : حرامى مين يا عبيطة انتى 

يمنى وهى تختبئ خلف مالك: الحقنى يا ملوكة هيموتناااااااااااى 

مالك : بس بس اى الصوت ده جيباه منين 

شريف : مربين جاموسة معانا 

يمنى : جاموسة مين يا عم اجري كدا من هنا مش فاضية ليكم 

شريف: لى وراكى حاجة لا اى دا النهاردة يوم التجمع العالمى للاسرة

مالك بتذكر : ايوة صحيح يلا عشان البنات زمانهم مستنينا 

شريف ويمنى : بنات مين 

قص عليهم مالك ما حدث وهو ينظر الى اخته بفخر على موقفها 

مالك : ليه مش عرفتيني يا حبيبتى 

يمنى : انت علمتنى من صغري انى لما اعمل خير مش اعرف حد بيه واحتسبه عند رب العباد ولا تعلمنى وتنسى يا كبير 

مالك : بصرف النظر عن كبير دى .. بس لا يا حبيبتى مش نسيت ولا حاجة ربنا يحفظك يا جميلة من كل شړ ويبارك ف عمرك ويقدرنا على حمايتك لحد ما نسلمك لعريسك اللى يرضي ربنا ويقدرك 

يمنى وهى تحتضنه : انت عاوزة تخلص منى ولا اى لا يا باشا على قلبك والله 

مالك وهو يقبل رأسها ويحتضنها : انتى ف قلبي مش على قلبي يا يويو 

شريف : طب اخلع انا من جو العشق الممنوع ده اشوف ورايا اى عشان كتب الكتاب بعد العصر 

مالك :يلا يا حبيبتى اجهزى وحورية هتفهمك انا عاوز اى 

يمنى پصدمة : هى حور كلمتك 

مالك باستغراب : حور مين 

يمنى : انا بقولها حور يا عم اقصد حورية كلمتك انت اكيد بتهزر 

مالك : لا مش كلمتنى اخوها كان فاتح الاسبيكر وانا اتكلمت قدام والدها ووالدتها 

يمنى : ايوة ما انا بقول بردو ..ياعم خضتنى والله 

مالك باستغراب: ليه 

يمنى : مش كنت متوقعة السؤال ده منك بس هجاوبك .. من الاخر لانها شبهك يا مالك 

مالك باستغراب :شبهى ازاى يعنى !

يمنى : ملتزمة متدينة جميلة مش بتكلم شباب رضا ربنا اهم حاجة عندها حتى لو مين هيزعل منها مش يهمها غير ربنا بتحب الناس اكتر من نفسها عمرها ماقالت لحد لا على حاجة ولو مش ف استطاعتها بتحاول لحد ما تقدر تلبي الطلب ده .. لما بشوفها مش بفتكر غيرك والله ربنا يسعدها ثم تابعت بشرود ويرزقها باللى يفهمها ويعوضها خير عن اللى شافته 

مالك : تقصدى اى 

يمنى بانتباه : مش اقصد حاجة يلا عشان اتأخرنا 

قامت يمنى بلف الخمار الخاص بها وخرجت مع اخيها الذى كان شاردا فى كلام شقيقته عن تلك الحورية استرجع كل كلامها وظل يردد ف نفسه : يا ترى اى اللى شفته ف حياتها وربنا يعوضها عنه ثم ردد قائلا : اللهم اصرف عنها كل شړ وقدر لها كل خير واحفظها بحفظك ورعايتك واجبرها جبرا يليق بعظمتك 

قطع حديثه الصامت مع نفسه رنين هاتفه وكان عبدالرحمن الذى اخبره انهم منتظرين امام المسجد 

مالك : الجماعة واقفين قدام المسجد 

يمنى : يلا بسرعة عشان حورية مش بتحب تقف ف الشارع 

مالك : يلا يا حبيبتى 

انطلقوا ف طريقهم كل بداخله افكاره الخاصة 

يمنى تحدث نفسها : اى اللى انا قولته لمالك ده انا عارفة انه غلط انى اتكلم بس اى اللى خلانى اتكلم كده ولا عشان هما شبه بعض .. معقول ان يكون مالك هو اللى يعوض حورية .. اى اللى بفكر فيه ده انا اټجننت ولا اى يارب انا مش عارفة اى حكمتك من كدا بس انا عارفة