اتركنى واذهب لها بقلم سعاد محمد سلامه
انك
تتجوز عليا
أنا بقولهالك مره تانيه أنت بقيت بالنسبه ليا بنك يصرف عليا ولادى ما اهو متبقاش عندك العز ده كله وأحرمهم واحرم نفسى من عزك و أهو أسم زوج قدام الناس مش أكتر لو سيبت البيت أبقى بكفأك أنت وهى الشمطاء أمال أنا هفضل معاك وعلى ذمتك بس علشان أنغص عليك حياتك
تقدر تعتبر كل الى كان بينا قبل كده من حب وسعاده وتفاهم خلاص أنتهى لما تلاقينى بنغض عليك روح لها هى هتهنيك وتدلعك كمل الى ناقصك معايا مع اللى أتجوزتها عليا بشرع الله شرع الله مقالكش أكسرنى وحتى لما حلل الجواز التانى والتعدد كان بشروط مش بالمزاج يا أستاذ يالى دارس شريعه أسلاميه وعارف فى الدين والشرع وبيفتى للناس كمان واخد الدين رياء بيستعمله لهواه وفى التحليل لمزاجه
قالت هبه له بلوعه
سيبنى وروح لها ومتقلقش هترجع تلاقينى هنا أنا مستحيل أسيب المكان الى بنيته بس مش هبقى زى ما كنت قبل كده معاك ولادى الى أنت مفكرتش فيهم أنهم ممكن يضيعوا يستحقوا أنى أضحى علشانهم وميضعوش منى هيشوفوا صورتنا القديمه
فكر فى يوم
بنتك يجى لك واحد يقولك أنا أتجوزت على بنتك بشرع الله زى ما قولتلى فكر فى شعورها أنت دبحتنى ولا واحد من ولادك يشوف صورة أبوه الى أتهزت قدامه بعد ما كان بيجى له أخر اليوم ويضمه ويسأله عن يومه لما يسألنى عنك وأقوله عند مراته التانيه أصل أمكم بقت منغصه عليه حياته فبيدور على راحته
أنا معملتش حاجه حرام حرمها الشرع أو حتى جرمها القانون ده حق ربنا عطاه ليا وأنا مش أول واحد يتجوز مره تانيه وطالما قادر ماديا وجسمانيا وأقدر أعدل بينكم
ضحكت هبه قائله فعلا مكذبش المثل الى بيقول الى يتجوز أتنين يا قادر يا فاجر بس للأسف فى حاجه تالته مقلهاش المثل
أنا مش جاهله يا حضرة الشيخ يالى حافظ كتاب ربنا ودارس شريعه أسلاميه أرجع وأقرى آيات كتاب الله وأتمعن فيه كده ربنا قال ولن تعدلوا كفايه تاخد من الدين والشرع الى يحللك هواك بدون فهم صحيح ودلوقتي أنا بقدر حبك الى كان فى قلبى بقيت بكرههك بس أنا كان سهل أطلب الطلاق وأهدم الباقى بينا بس أنافكرت فى ولادى مالهمش ذنب يدفعوا غلطة منافق كداب ومرائى أنا معرفش حياتنا هتمشى أزاى فى المستقبل يمكن ترجع طبيعيه زى أى زوجين وأشاركك السرير زى قبل كده وأتحمل لمساتك على جسمى بس أنا النهارده مش طيقاك
زفر إبراهيم نفسه پغضب قائلا عقلك جن وتفتكرى أنا هصبر
